ბიამ რიგით მეორე, საერთაშორისო საინვესტიციო ბიზნეს ფორუმი – „საქართველო - შესაძლებლობების ქვეყანა“ 15 მაისს, სასტუმროში “რედისონ ბლუ ივერია” გამართა. ფორუმის მიზანი იყო რეგიონში საქართველოს ფინანსურ და ბიზნეს ცენტრად პოზიციონირების ხელშეწყობა, ქვეყნის ეკონომიკური და საინვესტიციო პოტენციალის მიმოხილვა და მეწარმეებისთვის ფინანსირების იაფი წყაროების გაცნობა. ღონისძიებას ესწრებოდა 500-მდე დელეგატი, 15 ქვეყნიდან.

საინვესტიციო ფორუმი ბიას გენერალურმა დირექტორმა აიეტ კუკავამ, EBRD-ის რეგიონაურ დირექტორთან, რუნო ბალვანერასთან ერთად გახსნა. გამომსვლელებს შორის იყვნენ საქართველოს რეგიონული განვითარებისა  და ინფრასტრუქტურის მინისტრის პირველი მოადგილე ირაკლი ქარსელაძე, ეკონომიკისა და მდგდარდი განვითარების მინისტრის მოადგილე რომეო მიქაუტაძე და სოფლის მეურნეობის მინისტრის მოადგილე ნოდარ კერესელიძე. ასევე საერთაშორისო კომპანიის წარმომადგენლები, როგორიცაა S&P Global, Fitch Ratings, Google, Gryphon Emerging Markets, Omidyar Network, Finance-in-Motion, BlueOrchard Finance, ESPA და სხვა.

  სტუმრებს შორის სამთავრობო პირების, უცხოელი ინვესტორებისა და ბიზნესმენების გარდა, იყვნენ საელჩოების, სავაჭრო პალატებისა და ასოციაციების წარმომადგენლები, როგორც საქართველოდან, ასევე ევროპიდან,    აშშ-დან და მეზობელი ქვეყნებიდან.

  ღონისძიებაზე აქცენტები გაკეთდა საივნესტიციო შესაძლებლობებზე ენერგეტიკაში, უძრავ ქონებაში, ტურიზმსა და სოფლის მეურნეობაში. ფორუმზე წარმოდგენილი იყო 30-მდე კერძო საინვესტიციო პროექტი,       რომლის პორტფელიც ინვესტორებს დახურულ შეხვედრებზე წარუდგინა ფორუმის სპონსორმა, საინვესტიციო ჯგუფმა AG Capital-მა.

  შეხვედრაზე პოტენციურ ინვესტორებს საშუალება ჰქონდათ მთავრობისა და ბიზნესის პირველი პირებისგან მოესმინათ ქვეყნის მაკროეკონომიკური ასპექტები, გაცნობოდნენ მიმდინარე და პერსპექტიულ პროექტებს.     ადგილობრივ ბიზნესებს კი საშუალება ჰქონდათ მოესმინათ საერთაშორისო სარეიტინგო ორგანიზაციების, კაპიტალური ბაზრების, ვენჩურული და კერძო კაპიტალის, საერთაშორისო ფონდებისა და საინვესტიციო   ბანკების ექსპერტებისთვის.

ბიას საეთაშორისო ფორუმის სპონსორი იყო"AG Capital”, ხოლო პარტნიორი - “პაშა ბანკი”.