სოციალური კამპანია “აღადგინეს” ფარგლებში, ბორჯომის ტყეში აღდგენითი სამუშაოები დაიწყო. კამპანია ბიას ორგანიზებით, 2017 წლის გაზაფხულზე დაიწყო. მასში 250-მდე კომპანია ჩაერთო და საერთო ჯამში, 48 000 ნერგის ღირებულების თანხა შეგროვდა.
კამპანიის ფარგლებში, პირველი დარგვითი სამუშაოები კამპანიის დაწყებიდან მალევე განხორციელდა, თუმცა, 2017 წლის აგვისტოში გაჩენილი ხანძრის შემდეგ, განახლებული ტყის ძირითადი ნაწილი კვლავ დაიწვა. განმეორებითი ხანძრის შემდეგ, კამპანია “აღადგინემ” საკუთარ თავზე აიღო ტყის ხელახალი აღდგენისთვის თანხის მობილიზება და დარგვითი სამუშაოების თავიდან წამოწყება.
ბორჯომის ტყეში აღდგენითი სამუშაოები მთელი შემოდგომის განმავლობაში აქტიურად გაგრძელდება. კამპანია “აღადგინეში” ჩართულ კომპანიებს და ფიზიკურ პირებს შესაძლებლობა აქვთ, თავადაც ჩაერთონ ხეების დარგვის პროცესში.
“აღადგინე” მადლობას უხდის კამპანიაში ჩართულ ყველა პირს, ბორჯომის ტყის აღდგენაში შეტანილი წვლილისთვის.
Use our search engine
Or view all companies in
Full List 